26 avuqst tarixində Lənkəranın "Springs" hotelində YAŞAT fondunun dəstəyi ilə şəhid övladlarının iştirakı ilə YAŞAT düşərgəsinin 6-cı həftəsi keçirilib.
Daima yeniyetmə və gənclərə dəstək olan Azərbaycan Fut Net Federasiyası YAŞAT fondunun dəvəti ilə düşərgədə mini turnir keçirib. Yarışda 16-18 yaş arası şəhid övladları iştirak edib. Maraqlı mübarizə şəraitində keçən turnirdə 8 komanda bacarığını göstərib. Yekunda qaliblərin adına aydınlıq gəlib.
Federasiyanın baş katibi Əfqan Həmzəyev İdman TV-yə müsahibəsində əsas məqsədin mini turnir keçirməklə yanaşı fut net idman növünün gənclər arasında təbliği olduğunu bildirib. Həmzəyevin sözlərinə görə, həmin uşaqlar həm qaydaları öyrəniblər, həm də asudə vaxtlarını belə maraqlı idman növünə həsr ediblər.
YAŞAT fondu ilə qarşıda işbirliyinə davam etməkdə maraqlı olduğunu deyən baş katib növbəti yarışlara YAŞAT rəhbərliyini, şəhid ailələrini və qaziləri dəvət edəcəklərini də vurğulayıb.
Fut Net idman növünün gənclər arasında təbliği - İDMAN TV
Xəbərlər » Tədbirlər » Yarışlar » AFNF video- 27.08.2021
- 07:26
